کراچی(ایجو کیشن رپورٹر) متوقع سمندری طوفان اوربارش کے باعث کراچی میں عام تعطیل کا اعلان کر دیا گیا تعلیمی ادارے بند اور امتحانات ملتوی کر دئیے گئے
موسم کی ہنگامی صورتحال کے پیشِ نظر انتطامیہ نے کراچی میں آج بروز جمعہ یکم اکتوبرعام تعطیل کا اعلان کردیاہے۔
کمشنرکراچی کی جانب سے جاری نوٹیفکیشن کے مطابق لازمی سروسز اور ایمرجنسی خدمات انجام دینے والے سرکاری ادارے کھلے رہیں گےتاہم ایمرجنسی سروس کے علاوہ تمام سرکاری دفاتر،تعلیمی ادارے اور کاروبار بند ر ہیں گے۔
اس کے علاوہ جامعہ کراچی نےآج ہونےوالےتمام امتحانات بھی منسوخ کردیے ہیں۔
ناظم امتحانات ڈاکٹرظفر کے مطابق امتحانات کی نئی تاریخ کا اعلان بعد میں کیا جائےگا جبکہ سندھ حکومت نے صوبے بھر میں آج تمام تعلیمی ادارے بندرکھنےکا اعلان کردیا۔
وزیر تعلیم سندھ سید سردار شاہ کے مطابق موسم کی صورت حال اور تیزبارش کے پیش نظر آج تعلیمی ادارے بند رہیں گے۔ تازہ ترین اطلاعات کے مطابق متوقع سمندری طوفان کے بننے اور اسکے رخ میں تبدیلی آئی ہے جبکہ کراچی میں تیز بارش ہونے کا امکان بھی کم ہو گیا ہے
